Pfizer-bóluefnið verður flutt um allt land í þurrís og geymist í kæli í nokkra daga

Birgir Olgeirsson skrifar 4. desember 2020 20:00

Júlía Rós Atladóttir framkvæmdastjóri Distica Vísir/Vilhelm

Pfizer-bóluefnið verður flutt um allt land í þurrís til að tryggja að það haldist við 80 gráðu frost. Þá geymist það í nokkra daga í kæli við 2 – 8 gráður.

Fyrirtækið Distica mun sjá um að flytja bóluefni við kórónuveirunni til landsins. Þar á meðal Pfizer-bóluefnið sem þarf að geyma í 80 gráðu kulda.

Sóttvarnalæknir sagði nýverið að erfiðlega gæti reynst að flytja bóluefni, sem er erfitt í geymslu og flutningum, um allt land.

Júlía Rós Atladóttir, framkvæmdastjóri félagsins, segir að hægt verði að dreifa Pfizer-bóluefninu um allt land.

„Og það reddar þessu alveg að það er hægt að geyma þetta bóluefni í nokkra daga í kæli. Þannig að á heilsugæslustöðum landsins, þar sem eru kælar, er hægt að geyma bóluefni í nokkra daga, en það þarf að hafa hraðar hendur,“ segir Júlía Rós Atladóttir.

Þurrís hafi áður verið notaður til að dreifa bóluefni sem þarf að geyma í miklum frosti.

„Þetta hefur reynst vel og alveg hægt að tryggja mínus áttatíu með þurrís.“

Faraldur kórónuveiru (COVID-19) Bólusetningar Lyf Heilsugæsla

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.