Sjáðu upphitunarþátt Gumma Ben um úrslitaleikinn við Ungverja

Guðmundur Benediktsson rýndi í úrslitaleik Ungverjalands og Íslands ásamt sérfræðingum sínum í sérstökum upphitunarþætti í gærkvöld. Þáttinn í heild má nú sjá á Vísi.

Guðmundur var með þá Sigurvin Ólafsson og Hjörvar Hafliðason í settinu, í þættinum Sportið í kvöld á Stöð 2 Sport, og hægt er að horfa á þáttinn í spilaranum hér að neðan.

Guðmundur og félagar hefja svo upphitun aftur klukkutíma fyrir leik í kvöld en leikurinn sjálfur, sem ræður því hvort íslenska liðið kemst á sitt þriðja stórmót í röð, hefst kl. 19.45.

Leikur Ungverjalands og Íslands verður sýndur í beinni útsendingu á Stöð 2 Sport 2 fimmtudaginn 12. nóvember klukkan 19.45 en upphitun hefst klukkan 18.45. Áskrift er hægt að kaupa hér en einnig verður í boði að kaupa stakan viðburð á myndlyklum Vodafone og Símans á kr. 990, sem og í vefsjónvarpi Stöðvar 2.