Berglind Björg á leið í frönsku úrvalsdeildina

Anton Ingi Leifsson skrifar 31. ágúst 2020 22:04

Berglind Björg er á leið til Frakklands. vísir/bára

Berglind Björg Þorvaldsdóttir, framherji Breiðabliks, er á leið til franska úrvalsdeildarliðsins Le Havre og hefur líklega leikið sinn síðasta leik fyrir Breiðablik í bili.

Berglind staðfesti þetta við Vísi í kvöld en hún er á leið í læknisskoðun á fimmtudag. Ef allt gengur þar eftir óskum verður hún leikmaður franska liðsins á fimmtudag.

Le Havre tryggði sér sæti í frönsku úrvalsdeildinni í vor en liðið var í frönsku B-deildinni á síðustu leiktíð. Berglind Björg væri því annar leikmaðurinn í Frakklandi en Sara Björk Gunnarsdóttir leikur með Evrópumeisturum Lyon.

Þetta er mikill missir fyrir Breiðablik, sem er í mikilli baráttu við Val á toppnum í Pepsi Max deild kvenna, en Berglind hefur skorað tólf mörk í níu leikjum í sumar. Hún skorað sextán mörk í sautján leikjum á síðustu leiktíð.

Berglind lék í vor með AC Milan og raðaði þar inn mörkunum en hún segist hafa heyrt af áhuga Le Havre skömmu eftir veruna á Ítalíu. Þetta hafi svo gerst allt mjög hratt síðustu daga.

Pepsi Max-deild kvenna Breiðablik Franski boltinn

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.