Tvítugur Svíi setti heimsmet í stangarstökki
Armand Duplantis setti nýtt heimsmet í stangarstökki karla í Torun Póllandi í dag.
Duplantis, sem er tvítugur Svíi, stökk yfir 6,17 metra í annarri tilraun. Hann bætti þar með sex ára gamalt heimsmet Frakkans Renaud Lavillenie um 0,01 metra.
WORLD RECORD!!!! #borntofly pic.twitter.com/j0JSyBwldX
— Mondo Duplantis (@mondohoss600) February 8, 2020
„Þetta er ótrúleg tilfinning. Ég hef þráð þetta síðan ég var þriggja ára,“ sagði Duplantis í samtali við SVT Sport eftir að hafa sett heimsmetið.
Þótt mótið í Póllandi hafi farið fram innanhúss telst heimsmetið líka sem met utanhúss.
Duplantis vann til silfurverðlauna í stangarstökki á HM í frjálsum íþróttum í Doha í fyrra og gull á EM fyrir tveimur árum.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
