Innlent

Lögregla veitti bílnum sem lenti í hörðum árekstri eftirför

Tryggvi Páll Tryggvason skrifar
Sú sem ekið var á fann til eymsla.
Sú sem ekið var á fann til eymsla. vísir/vilhelm

Lögregla veitti öðrum bílnum sem lenti í hörðum árekstri á Sandgerðisvegi í gær eftirför. Víkurfréttir greindu fyrst frá en Ólafur Helgi Kjartansson, lögreglustjóri á Suðurnesjum staðfestir þetta í samtali við Vísi.

Þrír voru í bílunum tveimur sem lentu í árekstrinum og voru þeir allir fluttir á bráðamóttökuna í Fossvogi. Einn var í bílnum sem veitt var eftirför af lögreglu en tveir í hinum bílnum. 

Samkvæmt heimildum Vísis er annar þeirra sem var í hinum bílnum alvarlega slasaður.

Loka þurfti Sandgerðisvegi í nokkurra klukkutíma vegna slyssins en vitni sem Vísir hefur rætt við segja að hálka hafi verið á veginum og að ökumaður bílsins sem veitt var eftirför af lögreglu hafi ekið á miklum hraða.

Ólafur Helgi segir í samtali við fréttastofu að málið verði tekið til ítarlegrar skoðunar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×