Umfjöllun Bein lýsing Miðstöð Liðin Tölfræði Stöðutafla

Wolves og Man Utd þurfa að mætast aftur

Arnar Geir Halldórsson skrifar
Hart barist en lítil skemmtun.
Hart barist en lítil skemmtun. vísir/getty
Það var ekki boðið upp á mikið fjör í úrvalsdeildarslag enska bikarsins þegar Wolves fékk Manchester United í heimsókn í kvöld.

Bæði lið gerðu nokkrar breytingar á byrjunarliðum frá undanförnum leikjum en þeir sem voru með ferska fætur náðu ekki að láta ljós sitt skína þar sem leiknum lauk með markalausu jafntefli.

Marcus Rashford kom inn af varamannabekk Man Utd og fékk besta færi gestanna í leiknum en varnarmaður Wolves náði að komast fyrir á síðustu stundu.

Skömmu síðar, eða um stundarfjórðungi fyrir leikslok, virtist Matt Doherty vera að koma heimamönnum yfir en markið var réttilega dæmt af þar sem hann fór af höndinni á Doherty og í netið.

Úrslitin þýða að liðin þurfa að mætast að nýju og fer sá leikur fram á Old Trafford, heimavelli Man Utd.

Á sama tíma vann Leicester 2-0 sigur á Wigan Athletic á heimavelli á meðan Bournemouth lék sér að Luton Town og vann 4-0. Þá vann Portsmouth 2-1 sigur á Fleetwood Town.
 

Bein lýsing

Leikirnir

    Sjá alla

    Mest lesið


    Fleiri fréttir

    Sjá meira

    Mest lesið