Fótbolti

Lak út í gær en var staðfest í dag

Anton Ingi Leifsson skrifar
Sane er mættur í rautt.
Sane er mættur í rautt. vísir/getty

Leroy Sane er genginn í raðir þýsku meistaranna í Bayern Munchen frá Manchester City en Sane skrifar undir fimm ára samning við þýska félagið.

Í gær láku út myndir af undirskrift Sane hjá Bayern en það var arabísk síða Bayern sem birti þær myndir. Þjóðverjarnir eru sagðir hafa beðið City afsökunar á því.

Talið er að Bæjarar kaupi Sane á 54,8 milljónir punda en hann hefur verið í City frá árinu 2016 er hann var keyptur á 37 milljónir punda á Schalke.

Hann vann ensku úrvalsdeildina í tvígang og bikarkeppninnar tvær einnig tvisvar sinnum; enska bikarinn og enska deildarbikarinn.

„Ég vil vinna eins marga bikara og mögulegt er og Meistaradeildin er þar efst á lista,“ sagði Sane.

Sane var lykilmaður í liði City á síðustu leiktíð sem vann þrennuna en hann hefur verið mikið meiddur á þessari leiktíð. Hann náði 135 leikjum fyrir félagið og skoraði í þeim 39 mörk og lagði upp önnur 45.

Sane, sem á 21 landsleik fyrir Þýskaland, mun byrja æfa með Bayern í næstu viku þrátt fyrir að hann sé ekki gjaldgengur með liðinu í úrslitakeppni Meistaradeildarinnar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.