Innlent

Líkur á eldingum og blíðviðrið kveður í bili

Sylvía Hall skrifar
Mjög óstöðugt loft er yfir landinu og því líkur á eldingum vestantil.
Mjög óstöðugt loft er yfir landinu og því líkur á eldingum vestantil. Vísir/Getty

Óstöðugt loft er yfir landinu á morgun og má því búast við myndarlegum skúraklökkum síðdegis og auknum líkum á eldingum að því er fram kemur í athugasemd veðurfræðings hjá Veðurstofu Íslands. Einkum eru líkur á eldingum yfir vestanverðu landinu.

Blíðviðri síðustu daga virðist vera að kveðja höfuðborgarsvæðið í bili. Það er spáð úrkomu næstu daga, á morgun þrír til átta metrar á höfuðborgarsvæðinu og skúrir. Þá bætir í úrkomu annað kvöld.

Ekkert lát virðist vera á skúrum á suðvesturhorninu fyrr en um helgina. Íbúar á höfuðborgarsvæðinu mega því búa sig undir vætusama viku en útlit er fyrir að það rofi aðeins til næstu helgi og verði að minnsta kosti minni úrkoma.

Veðurhorfur á landinu næstu daga

Á þriðjudag: 

Vestan og suðvestan 8-13 og skúrir, en 15-20 m/s með suðurströndinni framan af degi. Hiti 5 til 13 stig, mildast suðaustantil.

Á miðvikudag:

Suðvestan 10-15 og rigning, en þurrt að kalla um landið austanvert. Hiti 6 til 12 stig.

Á fimmtudag:

Sunnan 5-13 og dálítil rigning eða súld, en bjart með köflum norðan- og austanlands. Hiti 7 til 16 stig, hlýjast norðaustantil.

Á föstudag:

Fremur hæg suðlæg átt og skúrir, en hvessir síðdegis með rigningu í flestum landshlutum. Hiti breytist lítið.

Á laugardag:

Suðvestanátt og rigning eða skúrir, en léttskýjað austanlands. Hiti 4 til 12 stig.

Á sunnudag (hvítasunnudagur):

Útlit fyrir að það gangi í ákveðna suðaustanátt með rigningu um landið sunnan- og vestanvert.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.