Gömul aðferð til að selja og skemmta sér Gunnþóra Gunnarsdóttir skrifar 22. apríl 2017 08:15 Bjarni með fyrstu útgáfu af Ferðabók Eggerts og Bjarna á þýsku, frá 1774 og í forlagsbandi frá prentsmiðju. Á bak við Bjarna er Valdimar Tómasson skáld. Vísir/GVA Segja má að verið sé að endurvekja bókauppboð í borgarlífinu. Þau voru nokkuð reglulega á dagskrá á síðustu öld. Það er nauðsynlegt að rækta gömul raritet,“ segir Bjarni Harðarson bóksali þar sem hann er að raða upp bókum í Safnaðarheimili Grensáskirkju, að Háaleitisbraut 66, fyrir uppboð sem hefst klukkan 14 í dag. „Við sem erum í gömlum bókum vitum að svona uppboð eru algerlega nauðsynleg til að markaður með gamlar bækur lifi. Hann deyr ef það er ekki eitthvert stuð í kringum hann. Því eru uppboð stór þáttur í því að við lifum af sem bókaþjóð,“ segir Bjarni og heldur áfram: „Við vitum líka að það að halda frjáls uppboð á lausamunum er mjög gömul aðferð á Íslandi til að selja og til að skemmta sér. Það skapast ákveðin stemning þegar hlutir eru boðnir upp.“ Bjarni er með eitt og annað í farteskinu úr eigin eigu og annarra. Bendir á eintök frá 18. og 19. öld, þar á meðal elstu prentun af Njálu, frá 1770, fágæta útgáfu af Passíusálmunum á kínversku og elstu prentanir af ljóðum Jónasar Hallgrímssonar, Eggerts Ólafssonar, Benedikts Gröndal og Kristjáns fjallaskálds. „En við erum ekki bara þar,“ segir hann glaðlega. „Við erum líka að bjóða upp skemmtilegar kúríósur eins og Hróa hattarsögur sem voru prentaðar á Seyðisfirði fyrir mannsöldrum, hér eru fyrstu útgáfur af Tolkien á Íslandi sem voru myndasögubækur og við erum með Ástrík og Steinrík. Svo höldum við ekki bókauppboð þannig að við skiljum Jóhannes Birkiland útundan. Hann er auðvitað á sínum stað.“ Uppboðið byrjar klukkan tvö en húsið verður opnað klukkan eitt svo fólki gefist tími til að skoða eintökin og handleika þau. „Við erum auðvitað að tala um notaða gripi og ástand þeirra er mismunandi en aðallega er um afar falleg eintök að ræða. Bæði eintök sem voru bundin inn aftur á 20. öld og þá í heilskinn og fallega gyllt og líka allmörg, eins og Njála til dæmis, gömul Edduútgáfa og fleira, sem eru í upprunalegu samtímabandi en vel með farin. Einnig eru nokkur rit í upprunalegu prentsmiðjubandi sem er dálítið merkilegt. Það er semsagt eftir ýmsu að slægjast.“ Sjálfur ætlar Bjarni að bjóða bækurnar upp. Honum til aðstoðar verður Valdimar Tómasson ljóðskáld og Ingibjörg Benediktsdóttir, fyrrverandi hæstaréttardómari, er regluvörður. Menning Mest lesið Segist hafa gert merka uppgötvun nú þegar hann „nálgast endalok lífs“ síns Lífið „Þetta er lúmskt skrímsli“ Lífið Rapphljómsveit til rannsóknar hjá hryðjuverkadeildinni Lífið Batinn á vefjagigt kom úr óvæntri átt Lífið samstarf Dóttir De Niro kemur út sem trans Lífið Michael Bolton með ólæknandi krabbamein Lífið 50+: Tómleikatilfinningin þegar börnin fljúga úr hreiðrinu Áskorun Forsalan sögð slá öll fyrri met Lífið Justin Bieber nýtur sín norður í landi Lífið Gerði samning við Apple: „Þetta er ótrúleg viðurkenning“ Lífið Fleiri fréttir „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira
Segja má að verið sé að endurvekja bókauppboð í borgarlífinu. Þau voru nokkuð reglulega á dagskrá á síðustu öld. Það er nauðsynlegt að rækta gömul raritet,“ segir Bjarni Harðarson bóksali þar sem hann er að raða upp bókum í Safnaðarheimili Grensáskirkju, að Háaleitisbraut 66, fyrir uppboð sem hefst klukkan 14 í dag. „Við sem erum í gömlum bókum vitum að svona uppboð eru algerlega nauðsynleg til að markaður með gamlar bækur lifi. Hann deyr ef það er ekki eitthvert stuð í kringum hann. Því eru uppboð stór þáttur í því að við lifum af sem bókaþjóð,“ segir Bjarni og heldur áfram: „Við vitum líka að það að halda frjáls uppboð á lausamunum er mjög gömul aðferð á Íslandi til að selja og til að skemmta sér. Það skapast ákveðin stemning þegar hlutir eru boðnir upp.“ Bjarni er með eitt og annað í farteskinu úr eigin eigu og annarra. Bendir á eintök frá 18. og 19. öld, þar á meðal elstu prentun af Njálu, frá 1770, fágæta útgáfu af Passíusálmunum á kínversku og elstu prentanir af ljóðum Jónasar Hallgrímssonar, Eggerts Ólafssonar, Benedikts Gröndal og Kristjáns fjallaskálds. „En við erum ekki bara þar,“ segir hann glaðlega. „Við erum líka að bjóða upp skemmtilegar kúríósur eins og Hróa hattarsögur sem voru prentaðar á Seyðisfirði fyrir mannsöldrum, hér eru fyrstu útgáfur af Tolkien á Íslandi sem voru myndasögubækur og við erum með Ástrík og Steinrík. Svo höldum við ekki bókauppboð þannig að við skiljum Jóhannes Birkiland útundan. Hann er auðvitað á sínum stað.“ Uppboðið byrjar klukkan tvö en húsið verður opnað klukkan eitt svo fólki gefist tími til að skoða eintökin og handleika þau. „Við erum auðvitað að tala um notaða gripi og ástand þeirra er mismunandi en aðallega er um afar falleg eintök að ræða. Bæði eintök sem voru bundin inn aftur á 20. öld og þá í heilskinn og fallega gyllt og líka allmörg, eins og Njála til dæmis, gömul Edduútgáfa og fleira, sem eru í upprunalegu samtímabandi en vel með farin. Einnig eru nokkur rit í upprunalegu prentsmiðjubandi sem er dálítið merkilegt. Það er semsagt eftir ýmsu að slægjast.“ Sjálfur ætlar Bjarni að bjóða bækurnar upp. Honum til aðstoðar verður Valdimar Tómasson ljóðskáld og Ingibjörg Benediktsdóttir, fyrrverandi hæstaréttardómari, er regluvörður.
Menning Mest lesið Segist hafa gert merka uppgötvun nú þegar hann „nálgast endalok lífs“ síns Lífið „Þetta er lúmskt skrímsli“ Lífið Rapphljómsveit til rannsóknar hjá hryðjuverkadeildinni Lífið Batinn á vefjagigt kom úr óvæntri átt Lífið samstarf Dóttir De Niro kemur út sem trans Lífið Michael Bolton með ólæknandi krabbamein Lífið 50+: Tómleikatilfinningin þegar börnin fljúga úr hreiðrinu Áskorun Forsalan sögð slá öll fyrri met Lífið Justin Bieber nýtur sín norður í landi Lífið Gerði samning við Apple: „Þetta er ótrúleg viðurkenning“ Lífið Fleiri fréttir „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira