Sport

Dagskráin í dag: Alþingismaður mætir til Rikka og velur sitt úrvalslið

Sindri Sverrisson skrifar
Willum Þór Þórsson hefur gert bæði KR og Val að Íslandsmeistara en einnig unnið 1., 2. og 3. deild á sínum þjálfaraferli.
Willum Þór Þórsson hefur gert bæði KR og Val að Íslandsmeistara en einnig unnið 1., 2. og 3. deild á sínum þjálfaraferli. vísir/anton brink

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Sportið í dag er á dagskrá á Stöð 2 Sport alla virka daga klukkan 15.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.

Sportið í kvöld er á dagskrá Stöðvar 2 Sports á þriðjudags-, miðvikudags- og fimmtudagskvöldum klukkan 20.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.

Alþingismaðurinn og fótboltaþjálfarinn Willum Þór Þórsson verður gestur Rikka G í Sportinu í kvöld þar sem hann fer yfir farsælan feril sinn og velur meðal annars úrvalslið leikmanna sem hann hefur þjálfað. Á Stöð 2 Sport verður margt annað í boði; leikir úr úrslitakeppni síðasta árs í handboltanum, sígildir leikir úr enska bikarnum og Meistaradeild Evrópu, hestaíþróttir, NBA-þættir og fleira.

Stöð 2 Sport 2

Keppni á PDC Home Tour pílukastsmótaröðinni heldur áfram í kvöld á Stöð 2 Sport 2 og í kjölfarið verður sýnt frá HM í pílukasti frá árinu 2018. Fyrr um daginn verða sýndir bikarúrslitaleikir í fótbolta karla og leikirnir sem tryggðu Selfossi Íslandsmeistaratitilinn í handbolta í fyrsta sinn.

Stöð 2 Sport 3

Á Stöð 2 Sport 3 verða sýndir úrslitaleikir Meistaradeildar Evrópu í gegnum árin, til að mynda leikur Tottenham og Liverpool frá síðasta ári.

Stöð 2 eSport

Hægt verður að sökkva sér ofan í League of Legends tölvuleikinn á Stöð 2 eSport í dag þar sem sýndir verða leikir úr Vodafone-deildinni í ár. Þar verður einnig sýnt frá úrslitakvöldinu á HM í íslenska leiknum KARDS.

Stöð 2 Golf

Sýndir verða hápunktarnir frá Suður-Afríku mótinu á Evrópumótaröð kvenna þegar Valdís Þóra Jónsdóttir varð í 7. sæti. Einnig verða sýndir þættir um Ryder-bikarinn og Solheim-bikarinn.

Útsendingar dagsins má finna á heimasíðu Stöðvar 2.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.