Sonur Chris Pratt missti sig í veiðiferð með pabba sínum

Chris Pratt var gestur hjá breska spjallþáttastjórnandanum vinsæla Graham Norton í vikunni og fór alveg á kostum eins og vanalega. Pratt er alltaf mjög skemmtilegur í þáttunum og fer vanalega mikinn.

Leikarinn sagði skemmtilega sögu af syni sínum sem er fimm ára gamall. Sá virðist ekkert vera sérstaklega hrifinn af starfi föður síns.

„Já.. honum gæti ekki verið meira sama um starfið  mitt,“ sagði Pratt sem er einn vinsælasti og þekktasti leikari heims. Pratt fór með hlutverk Owen í kvikmyndinni Jurassic World árið 2015.

„Sonur minn skellti sér í skemmtigarðinn Universial Studios í Los Angeles á dögunum og kom síðan heim og sagðist hafa séð hinn eina sanna Owen í garðinum og gerði í raun lítið úr mér,“ sagði Pratt og bætti síðan við mjög skemmtilegri sögu af því þegar þeir feðgar mega blóta í veiðiferðunum.