Gunnhildur Yrsa og stöllur hennar höfðu sigur gegn Mörtu

Íslenska landsliðskonan Gunnhildur Yrsa Jónsdóttir lék allan leikinn fyrir Utah Royals þegar liðið heimsótti Orlando Pride í bandarísku úrvalsdeildinni í nótt.

Á meðal leikmanna Orlando Pride er hin brasilíska Marta, sem margir telja eina bestu knattspyrnukonu sögunnar. 

Eina mark leiksins skoraði hins vegar bandaríska landsliðskonan Christen Press eftir nítján mínútna leik og tryggði Utah Royals sigurinn.

Utah Royals er búið að vinna fyrstu tvo leiki sína í deildinni en liðið vann fyrsta leikinn einnig 1-0.