Draumabyrjun Alberts og félaga

Albert Guðmundsson lék síðustu ellefu mínúturnar þegar AZ Alkmaar bar sigurorð af Waalwijk, 0-2, í 2. umferð hollensku úrvalsdeildarinnar í dag.

AZ er á toppi deildarinnar með sex stig af sex mögulegum og markatöluna 6-0.

Albert var í banni í 1. umferðinni þegar AZ vann 4-0 sigur á Sittard.

Hann byrjaði á bekknum í dag en kom inn á 79. mínútu fyrir Norðmanninn Fredrik Midtsjø.

79. Wissel AZ:

Gudmundsson vervangt de jarige Midtsjø.#rkcaz 0-2

— AZ (@AZAlkmaar) August 11, 2019

Oussama Idrissi skoraði bæði mörk AZ í fyrri hálfleik eftir sendingar frá hinum 18 ára Myron Boadu.

Næsti leikur Alberts og félaga er gegn Mariupol í forkeppni Evrópudeildarinnar á fimmtudaginn.