Sjáðu mörkin sem komu City á toppinn

Manchester City tyllti sér á topp ensku úrvalsdeildarinnar með 0-2 sigri á Fulham í gær. Þetta var sjöundi sigur City í röð en liðið er með eins stigs forskot á Liverpool á toppnum.

Manchester United vann 2-1 sigur á Watford í fyrsta leiknum eftir að Ole Gunnar Solskjær var ráðinn knattspyrnustjóri liðsins til frambúðar.

Gylfi Þór Sigurðsson lagði upp fyrra mark Everton í 0-2 útisigri á West Ham. Þetta var annar sigur Everton í röð.

Huddersfield Town féll eftir 2-0 tap fyrir Crystal Palace en Southampton og Burnley unnu mikilvæga sigra í fallbaráttunni. Þá vann Leicester City sinn þriðja leik í röð er liðið bar sigurorð af Bournemouth, 2-0.

Alls voru 14 mörk skoruð í leikjunum sjö í ensku úrvalsdeildinni í gær. Þau má sjá hér fyrir neðan.

Fulham 0-2 Man. City  

Man. Utd. 2-1 Watford  

West Ham 0-2 Everton  

Crystal Palace 2-0 Huddersfield  

Brighton 0-1 Southampton  

Burnley 2-0 Wolves  

Leicester 2-0 Bournemouth