Zlatan valdi draumaliðið sitt og enginn komst að nema hann sjálfur

Zlatan Ibrahimovic, stórstjarnan sem nú leikur með LA Galaxy í MLS-deildinni hefur gaman að lífinu og hann setti skemmtilegt tíst inn á Twitter í dag.

Svíinn magnaði hefur spilað með mörgum af bestu liðum Evrópu í gegnum tíðina. Hann hefur meðal annars leikið með PSG, Manchester United og Inter Milan, svo einhver séu nefnd en félagsliðaferill hans er magnaður.

My favourite team of all time. I only have to decide the coach. Maybe will be Zlatan pic.twitter.com/MvRN5krxPc

— Zlatan Ibrahimović (@Ibra_official) July 8, 2019

Í morgun birti Zlatan svo mynd af draumaliðinu sínu. Það sem vakti mesta athygli er að það er enginn annar leikmaður í liðinu en Zlatan. Hann spilar allar ellefu stöðurnar.

„Ég á bara eftir að velja þjálfarann. Kannski verður hann Zlatan,“ sagði Svíinn sem hefur alltaf haft mikla trú á sjálfum sér.

Zlatan hefur verið í miklu stuði í MLS-deildinni það sem af er tímabili en hann hefur skorað þrettán mörk í fyrstu fimmtán leikjunum. Að auki hefur hann lagt upp önnur þrjú mörk.