Líkfundur á bökkum Ölfusár

Um klukkan 13 í gær var lögreglunni á Suðurlandi tilkynnt um líkfund á bökkum Ölfusár við Arnarbæli í Ölfusi.

Göngumaður gekk fram á líkið en það er talið vera af Ríkharði Péturssyni, fæddum 3. apríl 1969. Hans hefur verið saknað frá því í janúar í fyrra þegar hann fór af heimili sínu á Selfossi að því er segir í tilkynningu frá lögreglunni á Suðurlandi.

Rannsóknardeild lögreglunnar á Suðurlandi ásamt tæknideild lögreglunnar á höfuðborgarsvæðinu og kennslanefnd ríkislögreglustjóra vinna að rannsókn málsins.