Fótbolti

Guðjón kemur til greina sem næsti þjálfari Færeyja

Anton Ingi Leifsson skrifar
Guðjón Þórðarson hefur þjálfað íslenska landsliðið sem og önnur félög eins og Stoke og ÍA.
Guðjón Þórðarson hefur þjálfað íslenska landsliðið sem og önnur félög eins og Stoke og ÍA. vísir/daníel

Fótbolti.net greinir frá því í dag að Guðjón Þórðarson komi til greina sem næsti þjálfari færeyska landsliðsins í knattspyrnu.

Guðjón á að hafa fundað með færeyska sambandinu sem leitar nú að þjálfara eftir að samningurinn við Lars Olsen rann út í síðasta mánuði.

Ef marka má viðtal við formanns knattspyrnusambands Færeyja, Christian Andreasen, höfðu margir áhuga á starfinu en nú séu innan við fimm þjálfarar eftir á blaðinu.




Guðjón þjálfaði í Færeyjum á þessu ári en hann þjálfaði lið NSÍ. Hann endaði í 3. sæti deildarinnar en hætti með liðið eftir leiktíðina.

Taki Guðjón við færeyska landsliðinu verður það ekki fyrsta landsliðið sem hann þjálfar því hann stýrði íslenska landsliðinu frá 1997 til 1999.

Færeyjar Færeyski boltinn Íslendingar erlendis
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Mest lesið


Fleiri fréttir

Sjá meira


Mest lesið


Velkomin á Vísi. Þessi vefur notar vafrakökur. Sjá nánar.