Innlent

Þrýstingur heitavatnsins að komast í eðlilegt horf

Samúel Karl Ólason skrifar
Svo virðist sem einhverjir íbúar Kórahverfis hafi verið allsfarið án heits vatns.
Svo virðist sem einhverjir íbúar Kórahverfis hafi verið allsfarið án heits vatns. Vísir/vilhelm

Lítill þrýstingur var á heitavatnskerfi Kórahverfis í gær og í nótt. Íbúar hverfisins ræddu það á Facebook-síðu hverfisins og virðist sem að einhverjir hafi verið alfarið án heits vatns. Ólöf Snæhólm Baldursdóttir, upplýsingafulltrúi veitna segir að þrýstingurinn hafi verið mun betri nú í morgun og allt sé að færast í eðlilegt horf.

Að einhverju leyti má rekja þrýstingsleysið til tveggja nýrra dælustöðva sem teknar voru í notkun fyrir helgi. Einnig hafi notkun heits vatns verið gífurleg síðustu daga. Ólöf segir að nýtt met hafi ekki verið sett en slagað hafi verið upp í það gamla.

Íbúar höfuðborgarsvæðisins hafa verið hvattir til þess að spara notkun heits vatns.

Veitur tóku nýjar dælustöðvar í notkun fyrir helgi á svokallaða suðuræð. Hún fæðir Hafnarfjörð, Garðabæ, Kópavog og eitthvað af efri byggðum. Eitthvað í þeim stöðvum er ekki að virka sem skyldi og vinna starfsmenn Veitna að því að komast til botns í málinu.

Hér má sjá myndband sem Veitur birtu síðasta vetur sem sýnir hollráð um það hvernig fólk getur nýtt varma best.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.