Martin Hermannsson, landsliðsmaður í körfubolta, er þriðji stoðsendingahæsti leikmaður EuroLeague, sterkustu deildar Evrópu.
Martin átti góðan leik þegar ALBA Berlin vann Rauðu stjörnuna, 93-80, í fyrradag. Hann skoraði 16 stig og gaf fjórar stoðsendingar.
Martin hefur leikið vel í EuroLeague í vetur en hann er með 8,9 stig, 1,5 fráköst og 5,8 stoðsendingar að meðaltali í leik.
Aðeins tveir leikmenn hafa gefið fleiri stoðsendingar en Martin í EuroLeague á tímabilinu.
Nick Calathes, leikmaður Panathinaikos, er stoðsendingahæstur í EuroLeague með 9,6 stoðsendingar að meðaltali í leik. Calathes er aðalleikstjórnandi gríska landsliðsins og fyrrverandi leikmaður Memphis Grizzlies í NBA.
Næststoðsendingahæsti leikmaður EuroLeague er Serbinn Vasilije Micic, leikmaður tyrkneska liðsins Anadolu Efes. Hann er með 6,8 stoðendingar að meðaltali í leik.
Næsti leikur Martins og félaga í EuroLeague er gegn Olympiacos á heimavelli í kvöld.
Martin þriðji stoðsendingahæstur í EuroLeague
Tengdar fréttir
Aftur stórleikur hjá Martin í sterkustu körfuboltadeild Evrópu
KR-ingurinn slegið í gegn í Meistaradeild körfuboltans.
Sportpakkinn: Martin sýndi frábæra takta í Grikklandi
Martin Hermannsson átti stórleik í tvíframlengdum leik í EuroLeague með Alba Berlin í gærkvöld. Alba mætti gríðarsterku liði Panathinaikos á útivelli.
Martin frábær í langþráðum sigri Alba í EuroLeague
Alba Berlin vann langþráðan sigur í EuroLeague í kvöld þegar liðið sótti Panathinaikos heim í tvíframlengdum leik.
