Innlent

Forsætisráðherra slökkti eld við Kópavogsskóla

Jóhann K. Jóhannsson skrifar
Katrín Jakobsdóttir, forsætisráðherra fékk handleiðslu um notkun slökkvitækja í dag og spreytti sig á að slökkva opinn eld.
Katrín Jakobsdóttir, forsætisráðherra fékk handleiðslu um notkun slökkvitækja í dag og spreytti sig á að slökkva opinn eld. Vísir/Jóhann K.

Eldvarnarvika Landssamband slökkviliðs- og sjúkraflutningamanna hófst í dag og af því tilefni fræddi Katrín Jakobsdóttir, forsætisráðherra auk slökkviliðsmanna, átta ára börn í Kópavogsskóla um eldvarnir heimilisins.

Að lokinni fræðlsu var haldin rýmingaráætlun í skólanum sem forsætisráðherra tók þátt í og þá fengu hún og starfsmenn skólans handleiðslu um notkun slökkvitækja þar sem þau fengu að spreyta sig á að slökkvi opinn eld.
 

Best að fræða börnin um eldvarnir svo það skili sér heim

Slökkvilið í landinu munu i kjölfarið heimsækja skólabörn í þriðja bekk og fræða þau um hvernig auka megi öryggi á heimilum þeirra. Farið verður yfir nauðsyn þess að hafa reykskynjara, slökkvitæki og eldvarnarteppi á heimilinu.

Í tilkynningu kemur fram að reynslan sýni að fræðsla sem þessi með börnum sé mjög áhrifarík leið til þess að fá börnin og foreldra til þess að efla eldvarnir heima fyrir.

Katrín Jakobsdóttir, forsætisráðherra og Brynjar Friðriksson, frá Slökkviliði höfuðborgarsvæðisins, fæddur 8 ára börn um eldvarnir heimilisins Vísir/Jóhann K.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.