Lífið

Skilnaðurinn styrkti sambandið

Stefán Árni Pálsson skrifar
Frosti Logason hefur sterka réttlætiskennd og á erfitt með að þaga þegar hann er ósammála fólki.
Frosti Logason hefur sterka réttlætiskennd og á erfitt með að þaga þegar hann er ósammála fólki. vísir/vilhelm
Frosti Logason hefur starfað á X-inu í tuttugu ár eða frá árinu 1999. Hann sló í gegn í rokksveitinni Mínus á sínum tíma og er að gera góða hluti í Íslandi í dag á Stöð 2 um þessar mundir. Frosti er gestur vikunnar í Einkalífinu.

Frosti er í sambandi með Helgu Gabríelu Sigurðar og eiga þau saman einn þriggja ára dreng sem var skírður í höfuðið á föður Frosta. Hann segir að Logi yngri hafi heldur betur breytt lífi sínu.

„Það er það stórkostlega við þessa íslensku hefð að þessi keðja getur haldið áfram. Ég er kannski íhaldssamur að fá í hendurnar lítinn strák sem getur fengið að heita Logi eins og afi sinn,“ segir Frosti og bætir við að það magnaðasta sem hann hefur upplifað var að verða faðir sjálfur.

„Þessi dagur uppi á fæðingardeildinni er í algjörri móðu. Það er ótrúlegt að fylgjast með því þegar kona fæðir barn. Það er svo rosalegt fyrir svo margra hluta sakir. Síðan er föðurhlutverkið það besta sem hefur komið fyrir mann. Ég helda að það hafi þroskað mig um 10-20 ára í einu stökki. Ef ég sé eftir einhverju er það kannski að hafa ekki gert þetta fyrr. Ég var svolítið gamall þegar ég verð pabbi fyrst, 38 ára. Maður hugsar svolítið hvað var ég að spá að eyða öllum þessum tíma í vitleysu. Ef ég ætti að ráðleggja einhverjum heima í stofu eitthvað þá væri það að búa til börn sem fyrst.“

Hann segist vera í mjög hamingjusömu sambandi með Helgu í dag. Leiðir þeirra skildu aftur á móti í sex mánuði fyrir ekki svo löngu.

„Það var bara ömurlegt og leiðinlegt. Það er ömurlegt að skilja en þegar allt kom til alls var þetta bara þroskandi og kannski gott fyrir sambandið. Við lærðum mikið og áttuðum okkur betur á því hvað við vildum. Það er enginn eftirsjá í því svosem, þó það hafi verið mjög erfitt á þeim tíma.“

Í þættinum ræðir Frosti einnig um Mínustímann skrautlega, hvernig það sé að vera mikið á milli tannanna á fólki fyrir skoðanir sínar, Harmageddon tímann og pararáðgjöf sem hann fór í með Mána, þegar hann tók ákvörðun á einu augabragði að hætta borða kjöt, föðurhlutverkið, föðurmissinn og margt fleira.


Tengdar fréttir

Segir fósturmissinn hafa verið rosalega mikinn skell

Eva Ruza Miljevic er gestur vikunnar í Einkalífinu en hún er án efa ein hressasta og skemmtilega kona landsins. Hún hefur slegið í gegn á samfélagsmiðlum og starfar í dag sem blómasali, veislustjóri og kynnir og er að byrja með sinn eigin sjónvarpsþátt. Hún er gift Sigurði Þór Þórssyni og hafa þau verið saman í um tuttugu ár.

Lygilegar bransasögur með Steinda

Steinþór Hróar Steinþórsson, betur þekktur sem Steindi Jr., hefur heillað þjóðina með gríni síðastliðinn áratug. Steindi er gestur vikunnar í Einkalífinu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.