Erlent

Gaf fyrir mistök út viðvörun um gíslatöku á flugvelli í Hollandi

Samúel Karl Ólason skrifar
Air Europa, sem gerir út umrædda flugvél, staðfesti nú fyrir skömmu að um mistök hafi verið að ræða.
Air Europa, sem gerir út umrædda flugvél, staðfesti nú fyrir skömmu að um mistök hafi verið að ræða. Vísir/getty

Lögreglan í Hollandi var með mikinn viðbúnað og starfsemi á Schiphol flugvellinum í Amsterdam stöðvaðist eftir að flugstjóri flugvélar sendi fyrir mistök út viðvörun sem táknar gíslatöku um borð í flugvél. Það gerðir á meðan farþegar voru að ganga um borð í flugvélina.

Lögregluþjónar fluttu farþega og áhöfn úr flugvélinni, sem átti að fljúga til Spánar.

Air Europa, sem gerir út umrædda flugvél, staðfesti nú fyrir skömmu að um mistök hafi verið að ræða.

Samkvæmt frétt Sky News var hlé gert á þingfundi í Hollandi vegna tilkynningarinnar. Mörgum flughliðum vallarins var lokað.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.