Treyju Brady stolið úr heiðurshöll Patriots
Maður var handtekinn í heiðurshöll New England Patriots á dögunum en sá hafði rænt treyju leikstjórnanda félagsins, Tom Brady, á safninu.
Maðurinn var handtekinn á safninu með treyjuna falda undir jakka sínum. Hann bar samt við sakleysi er málið var tekið fyrir í gær.
Treyjan var árituð af Brady og verðmæti hennar er sagt vera um 1,2 milljónir króna.
Þetta er ekki í fyrsta skipti sem treyju af Brady er stolið en eftirminnilegt er þegar treyju hans var stolið úr búningsklefa Patriots eftir sigurinn á Atlanta í Super Bowl árið 2017.
Tengdar fréttir
Treyja Tom Brady frá því í Super Bowl fundin
New England Patriots vann Super Bowl í Houston í síðasta mánuði eftir ótrúlega endurkomu og fyrstu framlenginguna í sögu Super Bowl.
Týnd treyja Brady gæti verið meira en 50 milljóna króna virði
Svo virðist sem að einhver hafi stolið treyju Tom Brady eftir að hann vann sinn fimmta meistaratitil í NFL-deildinni á sunnudag.
