Handbolti

Aron kom Barein á Ólympíuleikana

Ingvi Þór Sæmundsson skrifar
Aron tók við Barein af Guðmundi Guðmundssyni í fyrra.
Aron tók við Barein af Guðmundi Guðmundssyni í fyrra. vísir/getty
Aron Kristjánsson er búinn að koma karlalandsliði Barein í handbolta á Ólympíuleikana í Tókýó á næsta ári.



Í dag vann Barein Suður-Kóreu, 34-29, í hreinum úrslitaleik um Ólympíusæti. Bareinar hefndu þar með fyrir tapið fyrir Suður-Kóreumönnum, 30-31, í riðlakeppninni.



Það var eina tap strákanna hans Arons í undankeppni Ólympíuleikana í Asíu. Í undanúrslitunum unnu þeir frábæran sigur á sterku liði Katar, 28-26.



Þetta er í fyrsta sinn sem Barein vinnur sér sæti í handboltakeppni Ólympíuleikanna.



Það verða því allavega tveir íslenskir þjálfarar í karlaflokki í handbolta á Ólympíuleikunum í Tókýó. Dagur Sigurðsson þjálfar heimalið Japans.



Auk Barein og Japans eru Danmörk og Argentína komin með Ólympíusæti. Átta slík eru enn í boði.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.