Fótbolti

Mbappe ekki með á Laugardalsvelli

Ástrós Ýr Eggertsdóttir skrifar
Kylian Mbappe
Kylian Mbappe vísir/getty
Kylian Mbappe mun ekki mæta á Laugardalsvöll með heimsmeisturum Frakka. Hann dró sig út úr franska landsliðshópnum vegna meiðsla.

Í tilkynningu frá franska knattspyrnusambandinu segir að eftir samtal við bæði Mbappe og franska lækninn hafi Didier Deschamps ákveðið að senda Mbappe aftur til Paris Saint-Germain.



Í stað Mbappe kemur Alassane Pléa, framherji Borussia Dortmund, inn í landsliðshópinn.

Mbappe er annar leikmaðurinn sem dettur úr franska landsliðshópnum eftir að Hugo Lloris fór úr olnbogalið um síðustu helgi. Þá var Paul Pogba ekki valinn í hópinn vegna meiðsla.

Frakkar mæta á Laugardalsvöll á föstudagskvöld og spila við Ísland í leik í undankeppni EM 2020. Þeir mæta svo Tyrkjum í seinni leik landsleikjagluggans.




Fleiri fréttir

Sjá meira


×