Aurskriða féll yfir veg á Vestfjörðum
Vegur 690 í Gilsfirði á Vestfjörðum er lokaður við ytri Ólafsdalshlíð. Aurskriða féll yfir veginn samkvæmt tilkynningu frá Vegagerðinni. Veðurstofa Íslands hefur síðustu daga gefið út úrkomuviðvaranir fyrir Faxaflóa, Breiðafjörð og Vestfirði og beðið ferðamenn að fara með gát. Rigndi gríðarlega á vesturhelmingi landsins.
Á morgun er spáð suðaustan og austan 5-13 m/s, en lengst af hvassari með suðurströndinni. Víða skýjað og úrkomulítið, en rigning af og til sunnan- og vestanlands á morgun. Hiti 10 til 20 stig á morgun, hlýjast um landið norðanvert samkvæmt upplýsingum frá Veðurstofunni.
Tengdar fréttir
Ratsjármynd sýnir umfang vatnavaxta í Norðurá
Ratsjármynd sem tekin var í gær af SENTINEL-1 gervitungli Copernicus EU sýnir hversu mikið umfang vatnavaxta í Norðurár var í gær.
Ferðamenn fari með gát vegna vatnavaxta á Vesturlandi og Vestfjörðum
Veðurstofa Íslands hefur ákveðið að framlengja úrkomuviðvaranir fyrir Faxaflóa, Breiðafjörð og Vestfirði. Á síðasta sólarhring hefur rignt gríðarlega á vesturhelmingi landsins og útlit er fyrir enn meiri ofankomu á næstu klukkutímum.
Hlaupið í Skaftá nú mjög lítið
Náttúruvársérfræðingur hjá Veðurstofu Íslands segir hlaupið í Skaftá nú mjög lítið. Það sem sýni skýr merki hlaups sé hækkuð rafleiðini. Vatnsyfirborð hefur lítið vaxið.
