Bíó og sjónvarp

Jesse Pinkman losar sig við lík í nýrri stiklu úr Breaking Bad myndinni

Stefán Árni Pálsson skrifar
Það bíða margir eftir þessari kvikmynd.
Það bíða margir eftir þessari kvikmynd.

Þann 11. október kemur út kvikmyndin El Camino sem er framhald af Breaking Bad þáttunum vinsælu.

Breaking Bad hófu göngu sína árið 2008 á sjónvarpsstöðinni AMC, fimm þáttaraðir voru framleiddar og lauk þeim haustið 2013. Þættirnir hafa verið fádæma vinsælir en honum féllu í skaut alls 16 Emmy-verðlaun og tvö Golden Globe verðlaun.

Þættirnir fjölluðu um efnafræðikennarann Walter White og fyrrum nemanda hans Jesse Pinkman sem lenda í ýmsu eftir að þeir demba sér í eiturlyfjaframleiðslu.

Í aðalhlutverkum voru þeir Bryan Cranston, sem leikur Walter White, og Aaron Paul, sem lék Jesse Pinkman. Hann heldur áfram í því hlutverki. Nú er komin út glæný og ítarleg stikla frá Netflix sem framleiðir kvikmyndina.

Í stiklunni er greinilega lýst eftir Jesse Pinkman af lögregluyfirvöldum og hann er á flótta. Í stiklunni kemur fram að Pinkman þarf að losa sig við lík en hér að neðan má sjá hana í fullri lengd.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.