Messi kom til Barcelona sjö tímum fyrir leik og meiddist í fyrri hálfleik

Lionel Messi var á mánudagskvöldið valinn besti leikmaður í heimi að mati FIFA en það var kunngjört á vali FIFA í Mílan á mánudag.

Hófið var glæsilegt og fór eins og áður segir fram í Mílanó á mánudagskvöld en í gærkvöldi spilaði Barcelona svo við Villareal.

Þrátt fyrir að hafa komið til Barcelona einungis sjö tímum fyrir leik, var Messi í byrjunarliði Barcelona gegn Villareal í gærkvöldi en hann hefur verið að glíma við meiðsli í upphafi tímabilsins.

Það fór ekki vel því eftir hálftímaleik meiddist Argentínumaðurinn á læri og hann þurfti að fara af velli í hálfleik eftir að læknateymi Börsunga reyndi að gera að meiðslum hans.

Börsungar unnu sterkan 2-1 sigur og náðu að lyfta sér upp töfluna eftir erfiða byrjun.