Innlent

Íhugaði málsókn í fyrra en er nú metinn hæfasti dómarinn

Kolbeinn Tumi Daðason skrifar
Jónas Jóhannsson var skipaður héraðsdómari í Reykjavík og á Vestfjörðum árin 1991-2011 en hefur síðan þá starfað sem lögmaður.
Jónas Jóhannsson var skipaður héraðsdómari í Reykjavík og á Vestfjörðum árin 1991-2011 en hefur síðan þá starfað sem lögmaður. Fréttablaðið/Anton Brink

Jónas Jóhannsson er hæfastur umsækjenda í laust embætti dómara við Héraðsdóm Reykjaness. Þetta er niðurstaða hæfisnefndar en RÚV greinir frá. Þegar lagt hafi verið heildstætt mat á þau atriði sem fjallað sé um í umsögn um umsækjendur telji nefndin að Jónas standi öðrum umsækjendum framar.

Jónas sótti um stöðu héraðsdómara árið 2017. Guðlaugur Þór Þórðarson, settur dómsmálaráðherra, skipaði þá átta héraðsdómara í samræmi við tillögur dómnefndar sem lagði mat á hæfi umsækjenda.

Guðlaugur Þór taldi vankanta á mati nefndarinnar en taldi sökum tímaskorts ekki annað í stöðunni en að fara að tillögum nefndarinnar.

Fyrrnefndur Jónas sótti um og hafði á ferilskránni tveggja áratuga reynslu sem héraðsdómari. Hann rataði hins vegar ekki á lista efstu átta af þeim 41 sem sóttu um. Hann var þó ekki metinn hæfastur í þeim þætti sem laut að dómarareynslu.

„Ég hef ráðið mér lögmann og er að fara yfir stöðuna með tilliti til málshöfðunar. Ég tel að nefndin hafi gert á minn hlut og að miski minn sé mikill,“ sagði Jónas við það tilefni.

Það var ekki í fyrsta skipti sem hæfisnefnd gekk fram hjá Jónasi, en við skipun í Héraðsdóm Reykjavíkur ári fyrr var hann ekki talinn meðal átta hæfustu umsækjenda, þrátt fyrir að hafa mesta dómarareynslu hópsins.

Staðan, sem Jónas er nú metinn hæfastur til að gegna, var auglýst þann 3. maí og voru umsækjendur um embættið fjórtán.

Auður Björg Jónsdóttir lögmaður
Ásgeir Jónsson lögmaður
Guðfinnur Stefánsson, aðstoðarmaður dómara
Guðmundína Ragnarsdóttir lögmaður
Halldóra Þorsteinsdóttir lektor
Hákon Þorsteinsson, aðstoðarmaður dómara
Ingi Tryggvason lögmaður
Ingólfur Vignir Guðmundsson lögmaður
Jónas Jóhannsson lögmaður
Magnús Björn Brynjólfsson lögmaður
Margrét Gunnlaugsdóttir lögmaður
Ólafur Helgi Árnason lögmaður
Sólveig Ingadóttir, aðstoðarmaður dómara
Þórhallur Haukur Þorvaldsson lögmaður


Tengdar fréttir

Kvartar til umboðsmanns og óskar rökstuðnings ráðherra

Hæstaréttarlögmaður og fyrrum héraðsdómari með um 20 ára dómarareynslu hefur óskað eftir rökstuðningi frá dómsmálaráðherra vegna nýlegrar skipunar í Héraðsdóm Reykjavíkur. Hann hefur einnig sent kvörtun til umboðsmanns Alþingis vegna vinnubragða sérstakrar hæfisnefndar, sem hann telur ómálefnaleg.

Íhugar málsókn vegna skipan héraðsdómara

Átta héraðsdómarar voru skipaðir í gær. Tímahrak og einstrengingsleg afstaða dómnefndar þýddi að settur dómsmálaráðherra féllst á tillögur matsnefndar um hæfi dómara.

Setja út á ósamræmi í mati dómaranefndar

Hluti umsækjenda um lausar stöður við héraðsdómstóla landsins segir að sums staðar í mati hæfnisnefndar virðist sem hífa hafi átt umsækjendur upp á kostnað annarra. Unnið er af kappi að málinu í ráðuneyti setts dómsmálaráðherra.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.