Íslenski boltinn

Patrik Sigurður ætlar sér stóra hluti hjá Brentford

Arnar Geir Halldórsson skrifar
Patrik Sigurður Gunnarsson.
Patrik Sigurður Gunnarsson. Getty/Ker Robertson

Patrik Sigurður Gunnarsson er annar af tveimur markvörðum íslenska U21 árs landsliðsins sem mætir Lúxemborg á Víkingsvelli í dag.

Patrik er á mála hjá enska B-deildarliðinu Brentford og gerði nýverið nýjan fjögurra ára samning við félagið eftir að hafa komið frá Breiðabliki í fyrra.

Eins og er gengur mér bara vel. Það er búið að ganga vel síðan ég fór út fyrir rúmu ári. Það er allt á beinu brautinni,“ sagði Patrik í samtali við Arnar Björnsson.

Þrátt fyrir ungan aldur er Patrik kominn í aðalliðshóp Brentford en þessi efnilegi knattspyrnumaður er með báða fætur á jörðinni þó hann hafi háleit markmið.

„Það er markmiðið að verða aðalmarkvörður félagsins. Ég er með langtímamarkmið. Ég er enn bara 18 ára og er bara að æfa á fullu. Hitt kemur seinna meir,“ segir Patrik.

Hann kveðst ánægður með umgjörðina hjá Brentford og hrósar markvarðaþjálfara félagsins í hástert.

„Ég er með frábæran þjálfara. Hann heitir Inaki og er spænskur. Hann var með Rúnar Alex hjá Nordsjælland. Ég held hann sé einn sá besti í bransanum svo ég er í góðum höndum,“

Viðtalið við Patrik í heild sinni má sjá í spilaranum neðst í fréttinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.