Sport

Nadal í úrslit og getur unnið nítjánda risatitilinn

Ingvi Þór Sæmundsson skrifar
Nadal er þegar búinn að vinna Opna franska á þessu ári.
Nadal er þegar búinn að vinna Opna franska á þessu ári. vísir/getty
Rafael Nadal er kominn í úrslit Opna bandaríska meistaramótsins í tennis eftir sigur á Matteo Berrettini í undanúrslitum.



Þetta er í 27. sinn sem Nadal kemst í úrslitaleik á risamóti.



Spánverjinn mætir Daniil Medvedev frá Rússlandi í úrslitaleiknum. Medvedev vann Búlgarann Grigor Dimitrov í undanúrslitunum. Þetta er í fyrsta sinn sem Medvedev kemst í úrslit á risamóti.



Nadal hefur unnið 18 risatitla á ferlinum og sigri hann Medvedev í úrslitaleik Opna bandaríska vantar vann aðeins einn risatitil til að jafna met Rogers Federer.



Nadal hefur þrisvar sinnum hrósað sigri á Opna bandaríska; 2010, 2013 og 2017.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.