Sóley heimsmeistari stúlkna í kraftlyftingum

Sóley Margrét Jónsdóttir varð í gær heimsmeistari í kraftlyftingum á heimsmeistaramóti unglinga.

Sóley er Evrópumeistari í +84kg flokki stúlkna og var því líkleg til afreka á heimsmeistaramótinu sem fram fer í Kanada.

Sóley vann til gullverðlauna í öllum þremur greinunum sem tryggði henni sigur í heildarkeppninni og heimsmeistaratitli.

Hún lyfti 255kg í hnébeygju, en hún lyfti 25kg meira en sú sem varð í öðru sæti.

Í bekkpressu setti Sóley Íslandsmet með lyftu á 160kg og í réttstöðulyftu tók hún 207,5kg. Samanlagt lyfti Sóley því 622,5kg í lyftunum þremur.

Sú samtala er hærri heldur en það sem sigurvegarinn í aldursflokknum fyrir ofan Sóley, 19-23 ára.