Lífið

Tólf kílóa köttur slær í gegn

Sylvía Hall skrifar
Mr. B er mikill karakter.
Mr. B er mikill karakter. Facebook

Morris dýraathvarfið í borginni Philadelphia í Bandaríkjunum birti á fimmtudag mynd af kettinum Mr. B á Facebook-síðu sinni þar sem óskað var eftir heimili fyrir kisa. Færslan vakti þó mun meiri athygli en búist var við í upphafi, sennilega vegna þess að Mr. B er óvenju stór köttur.

„Stóri strákur Mr. B er HLUNKUR. Hann er hlunkahlunkur. Hann endurskilgreinir hugtakið. Getur þú giskað hversu þungur hann er? Það sem mikilvægara er, getur þú gefið honum heimili?“




Í nýrri færslu frá dýraathvarfinu kemur fram að Mr. B sé ekkert fis, en hann vegur um það bil tólf kíló. Viðbrögðin létu ekki á sér standa og voru margir kattavinir tilbúnir til þess að ættleiða Mr. B og veita honum nýtt heimili. Það er því líklegt að þessi stóri og stæðilegi kisi verði kominn með nýtt heimili áður en langt um líður. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.