Sport

Serena labbaði yfir Sharapovu

Henry Birgir Gunnarsson skrifar
Serena og Sharapova eftir leikinn í nótt.
Serena og Sharapova eftir leikinn í nótt. vísir/getty
Serena Williams gerði allt vitlaust í úrslitaleik US Open í fyrra en hún snéri til baka í nótt með stæl. Þá pakkaði hún Mariu Sharapovu saman í tveimur settum, 6-1 og 6-1.



Hin 37 ára gamla Williams tók sér aðeins 59 mínútur í að klára leikinn gegn Rússanum. Hún er nú búin að hafa betur gegn Sharapovu í 19 leikjum í röð.



Í úrslitaleiknum í fyrra kallaði hún dómarann svindlara og lygara og var allt vitlaust í margar vikur á eftir. Hún tapaði úrslitaleiknum gegn Naomi Osaka.



Serena er í leit að sínum 24. risatitli sem væri metjöfnun í kvennatennis. Ef hún vinnur mótið þá verður það líka fyrsti risatitill hennar eftir að hún varð móðir fyrir tveim árum síðan.



Karlamegin lenti Roger Federer í smá vandræðum með Sumit Nagal. Hann tapaði fyrsta settinu en vann næstu þrjú og komst áfram.



Novak Djokovic komst fyrr um daginn auðveldlega áfram þannig að enginn hákarl datt úr leik í fyrstu umferð.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.