Erlent

Fundu lík við leitina að Noru

Kristín Ólafsdóttir skrifar
Nora Quoirin.
Nora Quoirin. Vísir/EPA

Lögregla í Malasíu fann í dag lík við leit að hinni 15 ára Noru Quoirin, breskum táningi með þroskaskerðingu sem saknað hefur verið síðan í byrjun ágúst.

Fjölskylda Noru var aðeins búin að dvelja í Malasíu í tæpan sólarhring áður en stúlkan hvarf af hótelherbergi sínu. Fjölskyldan ætlaði að dvelja í Malasíu í tvær vikur, nánar tiltekið í bænum Seremban nærri regnskógunum við borgarmörk Kuala Lumpur.

Umfangsmikil leit hefur staðið yfir að Noru síðan. Um 350 manns komu að leitinni þar sem m.a. var notast við upptökur af rödd móður stúlkunnar.

Lögregla í Malasíu staðfesti í dag að lík af hvítri konu hefði fundist í um tveggja kílómetra fjarlægð frá hótelinu þar sem fjölskyldan dvaldi. Ekki hefur fengist staðfest að líkið sé af Noru en lögregla hefur það nú til rannsóknar.

Fjölskylda Noru gaf það út í síðustu viku að hún væri sannfærð um að henni hefði verið rænt en lögregla hefur rannsakað málið sem mannshvarf, þ.e. án aðkomu ætlaðra mannræningja.

Í síðustu viku hétu foreldrar Noru tíu þúsund pundum, tæplega 1,5 milljónum íslenskra króna, í fundarlaun fyrir hvern þann sem fyndi dóttur þeirra.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.