Elsku Ljónið mitt, þú ert á ótrúlega merkilegum tíma, enda áttu afmæli á þessu tímabili, svo til hamingju með það. Það hafa margar orrustur verið háðar og þér finnst ekki þú hafir sigrað þær allar, en þú lærir ekkert af sigrunum einum saman því ósigrarnir færa þér mátt og reynslu en þá þarftu líka að læra af þeim. Ef að lífið væri taflborð þá ert þú kóngurinn og í þeirri stöðu þarftu samt á öllum hinum taflmönnunum að halda, svo myndaðu samstöðu vegna þess að með því að vinna með öðrum verður það sem þú óskar þér að veruleika.



Þú vinnur traust ókunnungs fólks svo auðveldlega og heillar þá sem þú vilt heilla upp úr skónum, og núna þarftu að nota sjarmann þinn til þess að lagfæra, endurskipuleggja og einfalda lífið því þá líður þér sem best. Sparaðu stóru orðin og þú þarft ekki að láta allan heiminn vita hvað þér finnst, notaðu kærleikann því hann er alltaf sterkasta sverðið. Styrkur þinn felst í þeim hæfileika að gefa frá þér gleði og von, gerðu það óspart því öll orð og gjörðir þínar mæta þér aftur, það kallast Karma.



Þér finnst svo oft þig vanti orku, að þú sért kraftlaus og tíminn sé svo endalaut að líða, en orka gefur orku, svo byrjaðu á einhverju því það er alltaf upphafið, þú verður svo stolt manneskja þegar þú sérð útkomu og stoltinu fylgir enn meiri útkoma.



Þú ríst uppúr því að láta annarra manna álit verða þína skoðun og hrindir frá þér erfiðleikunum eins og regnjakki hrindir frá sér vatni, finnur þú verður auðmjúkur og langar til að faðma að þér fólk, láttu það bara eftir þér því í hverju faðmlagi fylgir heilun, en það þarf að vara í sjö sekúndur til þess að það sé fullkomið. Þetta sagði hún Dorrit Moussaief mér og ég hef sannreynt þetta. Þetta er magnaður tími sem gerir merkilega hluti, það eina sem þú þarft að gera er að vera í hringiðunni.



Kossar og knús, Sigga Kling

Ljón 23. júlí - 22. ágúst

Cara Delevingne fyrirsæta, 12. ágúst 

Ágústa Eva Erlendsdóttir, leik- og söngkona, 28. júlí 

Halldóra Geirharðsdóttir leikkona, 12. ágúst 

Birgitta Haukdal söngkona, 28. júlí 

Barack Obama Bandaríkjaforseti, 4. ágúst 

Ásdís Rán fyrirsæta, 12. ágúst 

Geir Ólafsson söngvari, 14. ágúst 

Þórunn Antonía alheimsstjarna, 28. júlí 

Albert Eiríksson, matgæðingur, 16. ágúst 

Jennifer Lopez söngkona, 24. júlí 

Diddú, 8. ágúst 

Arnór Dan, söngvari, Agent Fresco, 29. júlí 

Saga Garðarsdóttir, leikkona og grínisti, 6. ágúst 

Inga Sæland, 3. ágúst 

Sunneva Einarsdóttir, samfélagsmiðlastjarna, 7. ágúst 

Steingrímur J. Sigfússon, forseti Alþingis, 4. ágúst 

Valdimar Guðmundsson, söngvari, 7. ágúst