Erlent

Palestínumenn rifta samningum við Ísraela vegna niðurrifs

Kjartan Kjartansson skrifar
Spenna hefur farið vaxandi eftir að ísraelsk yfirvöld sprendu upp og rifu hús Palestínumanna í Austur-Jerúsalem í vikunni.
Spenna hefur farið vaxandi eftir að ísraelsk yfirvöld sprendu upp og rifu hús Palestínumanna í Austur-Jerúsalem í vikunni. AP/Mahmoud Illean
Mahmoud Abbas, forseti Palestínumanna, segir að þeir ætli ekki lengur að virða samninga sem palestínsk yfirvöld hafa gert við Ísraelsmenn í kjölfar þess að ísraelski herinn jafnaði hús Palestínumanna á milli Jerúsalem og Vesturbakkans við jörðu.



Hæstiréttur Ísraels komst að þeirri niðurstöðu að íbúðarhús Palestínumanna í Wadi Hummus væru of nálægt mörkum Vesturbakkans. Ísraels stjórnvöld rifu því húsin og misstu sautján manns heimili sín, að sögn breska ríkisútvarpsins BBC.



Forystufólk Palestínumanna kom saman til neyðarfundar og í kjölfarið lýsti Abbas því yfir að samningar við Ísraelsstjórn undanfarinnar tuttugu og fimm ára yrðu ekki lengur virtir, þar á meðal á sviði öryggismála.



Ekki er ljóst hvað sú yfirlýsingin þýðir í reynd. Abbas hefur áður hótað því að rifta samningum við Ísraelsmenn en aldrei fylgt þeim hótunum eftir. Ísraelsmenn hafa þá hótað því að riftun þýddi endalok sjálfstjórnar Palestínumanna á landsvæðum þeirra.


Tengdar fréttir

Ísrael rífur niður palestínsk heimili

Ísraelskar öryggissveitir hófust í dag handa við að rífa niður tugi palestínskra heimila í hverfi í austurhluta Jerúsalem. Þetta er ein stærsta aðgerð af þessu tagi í áraraðir.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.