Íslenski boltinn

Jeffs og Andri stýra Eyjamönnum út tímabilið

Ingvi Þór Sæmundsson skrifar
Jeffs er öllum hnútum kunnugur hjá ÍBV.
Jeffs er öllum hnútum kunnugur hjá ÍBV. vísir/vilhelm
Ian Jeffs stýrir ÍBV út tímabilið í Pepsi Max-deild karla. Honum til aðstoðar verður Andri Ólafsson. Þetta kemur fram á heimasíðu ÍBV.

Jeffs tekur við þjálfarastarfinu hjá ÍBV af Pedro Hipolito sem var rekinn frá félaginu í lok júní. Jeffs og Andri stýrðu ÍBV í tapinu fyrir KR, 1-2, á laugardaginn.

Jeffs heldur áfram starfi sínu sem aðstoðarþjálfari kvennalandsliðsins. Hann fær frí frá ÍBV til að fara í verkefni landsliðsins um mánaðarmótin ágúst/september. Það skarast á við leik ÍBV og Vals en Andri heldur um stjórnartaumana hjá Eyjamönnum í þeim leik.

ÍBV er í tólfta og neðsta sæti Pepsi Max-deildarinnar með fimm stig, sex stigum frá öruggu sæti. Næsti leikur liðsins er gegn FH á Hásteinsvelli á laugardaginn.

Jeffs og Andri eru í hópi leikjahæstu leikmanna ÍBV í efstu deild. Jeffs þjálfaði einnig kvennalið ÍBV í nokkur ár og gerði það að bikarmeisturum 2017. Andri var í þjálfarateymi karlaliðs ÍBV á síðasta tímabili.

Pepsi Max-deild karla Vestmannaeyjar

Tengdar fréttir

Hipolito hættur hjá ÍBV

ÍBV og þjálfarinn komust að samkomulagi um starfslok. Ian Jeffs tekur tímabundið við þjálfun meistaraflokks karla.

Hipolito: Opinn fyrir því að þjálfa áfram á Íslandi

Pedro Hipolito var staddur á skrifstofu ÍBV í morgun að ná í dótið sitt er Vísir heyrði í honum hljóðið. Hann var rekinn sem þjálfari karlaliðs félagsins í gær. Hann tók tíðindunum ágætlega.

Mest lesið


Fleiri fréttir

Sjá meira


×

Mest lesið