Bíó og sjónvarp

Bergmál frumsýnd á kvikmyndahátíðinni í Locarno

Andri Eysteinsson skrifar
Bergmál er kvikmynd þar sem örsögur úr samtímanum fléttast saman á ljóðrænan hátt og mynda samtímaspegil frá Íslandi í aðdraganda jóla.
Bergmál er kvikmynd þar sem örsögur úr samtímanum fléttast saman á ljóðrænan hátt og mynda samtímaspegil frá Íslandi í aðdraganda jóla. Mynd/Aðsend

„Ég er fyrst og fremst stoltur af samverkafólki mínu sem hefur vaðið eld og brennistein til að gera Bergmál mögulega,“ segir Rúnar Rúnarsson, leikstjóri kvikmyndarinnar Bergmál sem valin hefur verið til þess að keppa í aðalkeppni kvikmyndahátíðarinnar í Locarno í Sviss sem fram fer í ágúst.

Bergmál mun keppa þar um Gyllta Hlébarðann, ein virtustu kvikmyndaverðlaun sem veit eru á hverju ári.

Bergmál er kvikmynd þar sem örsögur úr samtímanum fléttast saman á ljóðrænan hátt og mynda samtímaspegil frá Íslandi í aðdraganda jóla.

Bergmál er ekki fyrsta kvikmynd Rúnars sem tekur þátt á helstu kvikmyndahátíðum heims en mynd hans „Síðasti Bærinn“ var tilnefnd til Óskarsverðlauna árið 2006 og myndir hans hafa tekið þátt á hátíðum eins og Cannes, Toronto, Sundance og San Sebastian svo nokkrar séu nefndar.

Lilja Ósk Snorradóttir framleiðandi hjá Pegasus framleiðslufyrirtæki myndarinnar, segir frumsýninguna á hátíðinni vera mikinn heiður. „Bergmál er listrænt djörf en á sama tíma einstaklega falleg og manneskjuleg mynd sem sameinar svo margt. Húmor, sorg og fegurð. Ég leyfi mér að fullyrða að aldrei hefur verið gerð önnur eins kvikmynd, hvað þá jólamynd” segir Lilja Ósk.

Undirbúningur að Bergmáli byrjaði að fullu árið 2018 en þá var verkefnið valið fyrst íslenskra verkefna til að taka þátt í Cannes Atelier, sem er fyrir kvikmyndir í fjármögnun og er partur af aðalhluta kvikmyndahátíðarinnar í Cannes.

Síðan þá hefur verið mikill áhugi fyrir myndinni sem nú um ári seinna, hefur ný lokið eftirvinnslu.

Franska fyrirtækið Jour2féte sér um sölu og dreifingu erlendis en Sena sér um dreifingu á Íslandi.

Bergmál fer í almennar sýningar fyrir komandi jól.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.