Við getum verið hvað sem er og hver sem er Ásta Eir Árnadóttir skrifar 4. júlí 2019 08:00 Sigmundur vissi fljótt hvað hann vildi gera í framtíðinni. FRÉTTABLAÐIÐ/STEFÁN Sigmundur Páll Freysteinsson er 23 ára gamall Vesturbæingur sem nýlega lauk BA-gráðu í fatahönnun við Listaháskóla Íslands. Sigmundur, ásamt skólasystkinum sínum, sýndi útskriftarverk sín á vel sóttri tískusýningu í Hörpu í vor. „Áhugi minn á tísku byrjaði stuttu eftir að ég fór í framhaldsskóla en það varð fljótt að mínu helsta áhugamáli og það hefur bara stigmagnast síðan þá,“ segir Sigmundur. Þegar áhuginn fór að aukast og fatahönnun orðin að ástríðu þá vissi hann nákvæmlega hvað næsta skref væri. „Það lá nokkuð beint við að fara í fatahönnun fyrst að helsta áhugamálið mitt var hönnun og tíska en eftir að ég byrjaði að feta mín fyrstu skref í fatahönnun varð ekki aftur snúið.“Karlmennskan er að breytast Mikil undirbúningsvinna fór í útskriftarlínuna hans þar sem margar pælingar liggja á bak við hverja flík. „Hugmyndafræðin á bak við línuna mína snýst um sjálfsmyndina og það sem mótar okkur. Við lifum á tímum þar sem sjálfsmynd ungra manna er að breytast og við getum verið hvað sem er og hver sem er. Áhrifin koma úr ýmsum áttum og allt hefur áhrif hvað á annað. Í verkefninu er vísað í þekktar fyrirmyndir ungra manna og þær settar í samhengi við nýjar hugmyndir um karlmennskuna í dag,“ útskýrir Sigmundur. Það hefur mikið gengið á í tískuheiminum á síðustu misserum þar sem mikil vitundarvakning hefur átt sér stað varðandi loftslagsbreytingar og hreinni jörð. „Það er margt mjög spennandi í tískuheiminum í dag en á sama tíma eru mörg vandamál. Iðnaðurinn starfar á of miklum hraða og er löngu orðið tímabært að breyta venjum innan hans. Það er mikil ofneysla í gangi í tískuvarningi og er mikilvægt að neytendur verði meðvitaðri um hvað þeir eru að kaupa. Það er mikilvægt að vera upplýstur og styðja ekki hraðtískurisa sem nýta sér ódýrt og mengandi framleiðsluferli. Mín ráð eru að kaupa bara frá hönnuðum sem þú treystir og veist hvaðan fötin koma.“Hugmyndin á bak við línuna hans Sigmundar snýst um sjálfsmynd.Hugurinn leitar erlendis Síðan Sigmundur útskrifaðist hefur hann verið að grúska í alls konar verkefnum. „Það sem er fram undan hjá mér er að vinna í sjálfstæðum verkefnum en næstu skref eru að fara erlendis í starfsnám til að fá dýpri innsýn í iðnaðinn. Ég myndi þá helst vilja fara til Parísar eða London en þar finnst mér vera spennandi vettvangur fyrir unga hönnuði. Það er mikilvægt að fara út á einhverjum tímapunkti til að öðlast starfsreynslu og fá tilfinningu fyrir því hvernig er að vinna á alþjóðlegum grundvelli. Í kjölfarið stefni ég á framhaldsnám í fatahönnun,“ segir Sigmundur. Framtíðarplön Sigmundar eru nokkuð skýr. „Draumastarfið er að halda áfram að vinna að skapandi verkefnum, það er það sem mér finnst skemmtilegast að gera.“Sigmundur segir að áhrifin komi úr ýmsum áttum.MYND/SVANHILDUR GRÉTA KRISTJÁNSDÓTTIRMeiri gæði, færri flíkur Sigmundur hefur lengi verið að fylgjast með tískuheiminum og helstu tískustraumum. Hann passar upp á það að eiga flíkur sem hafa gott notagildi. „Minn persónulegi stíll er mjög mínímalískur. Mér finnst skipta öllu að eiga færri og vel valdar flíkur heldur en að eiga allt of mikið sem týnist í fataskápnum, þar af leiðandi nota ég allt sem er í skápnum mínum.“ Hann á nokkrar gæðaflíkur sem hann heldur mikið upp á. „Frakki frá Yohji Yamamoto og skór frá Carol Christian Poell eru tvennt sem ég gæti ekki verið án. Mér þykir það vera lykilatriði að eiga góða yfirhöfn og góða skó.“ Birtist í Fréttablaðinu Mest lesið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun Þórdís Lóa um Júró-umfjöllun: „Hvers vegna þessi þögn?“ Lífið Fjölmennt í framboðsteiti Arnars Þórs í Iðnó Lífið Ætlar hvorki að hætta að vinna né opna kaffihús Lífið „Það er einmanalegt að missa móður“ Lífið Krakkatían: Celebs, sumar og forseti Íslands Lífið Vandamálaráðuneytið únefndi hinn fimmtán ára Viðar til sigurs Lífið Hvetur fólk til að nota sólarvörn eftir krabbameinsgreiningu Lífið Sveitarstjóri og sauðfjárbóndi fóru á kostum Lífið Fleiri fréttir Strangheiðarleg dreifbýlistútta og lopapeysan í uppáhaldi „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ „Martröð“ að spila í of síðu goth pilsi Er sannkölluð Mary Poppins þegar það kemur að töskunni Björk á forsíðu Vogue í fyrsta sinn „Vinkonur mínar eru allar með tölu mestu gellur landsins“ Forfallin húðumhirðuaðdáandi og sólarvarnarlögga Ekki sérlega litaglöð en glaðlynd að eðlisfari Týnir öllu þannig að flest staldrar stutt við í töskunni Sársaknar sérhannaðrar úlpu: „Þetta er bara listaverkið mitt“ Best klæddu stjörnurnar á Óskarnum Sparks peysan og brúnkukremið eftirminnilegt tímabil Louis Vuitton taskan sem bæði týndist og fannst í uppáhaldi „Leyfðu öðrum að njóta lífsins og klæða sig eins og það vill“ Tískudrottingin Iris Apfel látin Sjá meira
Sigmundur Páll Freysteinsson er 23 ára gamall Vesturbæingur sem nýlega lauk BA-gráðu í fatahönnun við Listaháskóla Íslands. Sigmundur, ásamt skólasystkinum sínum, sýndi útskriftarverk sín á vel sóttri tískusýningu í Hörpu í vor. „Áhugi minn á tísku byrjaði stuttu eftir að ég fór í framhaldsskóla en það varð fljótt að mínu helsta áhugamáli og það hefur bara stigmagnast síðan þá,“ segir Sigmundur. Þegar áhuginn fór að aukast og fatahönnun orðin að ástríðu þá vissi hann nákvæmlega hvað næsta skref væri. „Það lá nokkuð beint við að fara í fatahönnun fyrst að helsta áhugamálið mitt var hönnun og tíska en eftir að ég byrjaði að feta mín fyrstu skref í fatahönnun varð ekki aftur snúið.“Karlmennskan er að breytast Mikil undirbúningsvinna fór í útskriftarlínuna hans þar sem margar pælingar liggja á bak við hverja flík. „Hugmyndafræðin á bak við línuna mína snýst um sjálfsmyndina og það sem mótar okkur. Við lifum á tímum þar sem sjálfsmynd ungra manna er að breytast og við getum verið hvað sem er og hver sem er. Áhrifin koma úr ýmsum áttum og allt hefur áhrif hvað á annað. Í verkefninu er vísað í þekktar fyrirmyndir ungra manna og þær settar í samhengi við nýjar hugmyndir um karlmennskuna í dag,“ útskýrir Sigmundur. Það hefur mikið gengið á í tískuheiminum á síðustu misserum þar sem mikil vitundarvakning hefur átt sér stað varðandi loftslagsbreytingar og hreinni jörð. „Það er margt mjög spennandi í tískuheiminum í dag en á sama tíma eru mörg vandamál. Iðnaðurinn starfar á of miklum hraða og er löngu orðið tímabært að breyta venjum innan hans. Það er mikil ofneysla í gangi í tískuvarningi og er mikilvægt að neytendur verði meðvitaðri um hvað þeir eru að kaupa. Það er mikilvægt að vera upplýstur og styðja ekki hraðtískurisa sem nýta sér ódýrt og mengandi framleiðsluferli. Mín ráð eru að kaupa bara frá hönnuðum sem þú treystir og veist hvaðan fötin koma.“Hugmyndin á bak við línuna hans Sigmundar snýst um sjálfsmynd.Hugurinn leitar erlendis Síðan Sigmundur útskrifaðist hefur hann verið að grúska í alls konar verkefnum. „Það sem er fram undan hjá mér er að vinna í sjálfstæðum verkefnum en næstu skref eru að fara erlendis í starfsnám til að fá dýpri innsýn í iðnaðinn. Ég myndi þá helst vilja fara til Parísar eða London en þar finnst mér vera spennandi vettvangur fyrir unga hönnuði. Það er mikilvægt að fara út á einhverjum tímapunkti til að öðlast starfsreynslu og fá tilfinningu fyrir því hvernig er að vinna á alþjóðlegum grundvelli. Í kjölfarið stefni ég á framhaldsnám í fatahönnun,“ segir Sigmundur. Framtíðarplön Sigmundar eru nokkuð skýr. „Draumastarfið er að halda áfram að vinna að skapandi verkefnum, það er það sem mér finnst skemmtilegast að gera.“Sigmundur segir að áhrifin komi úr ýmsum áttum.MYND/SVANHILDUR GRÉTA KRISTJÁNSDÓTTIRMeiri gæði, færri flíkur Sigmundur hefur lengi verið að fylgjast með tískuheiminum og helstu tískustraumum. Hann passar upp á það að eiga flíkur sem hafa gott notagildi. „Minn persónulegi stíll er mjög mínímalískur. Mér finnst skipta öllu að eiga færri og vel valdar flíkur heldur en að eiga allt of mikið sem týnist í fataskápnum, þar af leiðandi nota ég allt sem er í skápnum mínum.“ Hann á nokkrar gæðaflíkur sem hann heldur mikið upp á. „Frakki frá Yohji Yamamoto og skór frá Carol Christian Poell eru tvennt sem ég gæti ekki verið án. Mér þykir það vera lykilatriði að eiga góða yfirhöfn og góða skó.“
Birtist í Fréttablaðinu Mest lesið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun Þórdís Lóa um Júró-umfjöllun: „Hvers vegna þessi þögn?“ Lífið Fjölmennt í framboðsteiti Arnars Þórs í Iðnó Lífið Ætlar hvorki að hætta að vinna né opna kaffihús Lífið „Það er einmanalegt að missa móður“ Lífið Krakkatían: Celebs, sumar og forseti Íslands Lífið Vandamálaráðuneytið únefndi hinn fimmtán ára Viðar til sigurs Lífið Hvetur fólk til að nota sólarvörn eftir krabbameinsgreiningu Lífið Sveitarstjóri og sauðfjárbóndi fóru á kostum Lífið Fleiri fréttir Strangheiðarleg dreifbýlistútta og lopapeysan í uppáhaldi „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ „Martröð“ að spila í of síðu goth pilsi Er sannkölluð Mary Poppins þegar það kemur að töskunni Björk á forsíðu Vogue í fyrsta sinn „Vinkonur mínar eru allar með tölu mestu gellur landsins“ Forfallin húðumhirðuaðdáandi og sólarvarnarlögga Ekki sérlega litaglöð en glaðlynd að eðlisfari Týnir öllu þannig að flest staldrar stutt við í töskunni Sársaknar sérhannaðrar úlpu: „Þetta er bara listaverkið mitt“ Best klæddu stjörnurnar á Óskarnum Sparks peysan og brúnkukremið eftirminnilegt tímabil Louis Vuitton taskan sem bæði týndist og fannst í uppáhaldi „Leyfðu öðrum að njóta lífsins og klæða sig eins og það vill“ Tískudrottingin Iris Apfel látin Sjá meira