Messi og félagar afgreiddu Venesúela og Brasilía bíður í undanúrslitunum

Anton Ingi Leifsson skrifar
Argentínumenn fagna í kvöld.
Argentínumenn fagna í kvöld. vísir/getty
Argentína er komið í undanúrslit Suður-Ameríkukeppninnar eftir 2-0 sigur á Venesúela í átta liða úrslitunum í kvöld.



Það voru liðnar tíu mínútur er fyrsta markið kom. Lautaro Martinez, framherji Inter, skoraði það eftir undirbúning Sergio Aguero og Lionel Messi.



Annað markið kom á 73. mínútu. Slakt skot Sergio Aguero virtist auðvelt fyrir markvörð Venesúela, Wuilker Farine. Það reyndist ekki svo og hann missti boltann fyrir fætur Giovani Lo Celso sem kom boltanum yfir línuna.



Það verður því stórleikur í undanúrslitunum er Argentína og Brasilía mætast en þriðjudagskvöldið verður áhugavert.



Leikurinn fer fram á þriðjudagskvöldið klukkan 21.30 en leikurinn verður að sjálfsögðu í beinni á Stöð 2 Sport.

Tengd skjöl

Bein lýsing

Leikirnir




    Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
    Velkomin á Vísi. Þessi vefur notar vafrakökur. Sjá nánar.