Fótbolti

Fyrrum forseti Flamengo kærður fyrir manndráp

Henry Birgir Gunnarsson skrifar
Stuðningsmenn Flamengo minnast hér drengjanna sem létust.
Stuðningsmenn Flamengo minnast hér drengjanna sem létust. vísir/getty
Tíu unglingaliðsmenn brasilíska liðsins Flamengo létust í febrúar síðastliðnum er eldur braust út á heimavist liðsins. Nú hefur fyrrum forseta félagsins verið kennt um brunann.



Það er nefnilega búið að kæra hann ásamt sjö öðrum fyrir manndráp. Þeir báru ábyrgð á vistarverum leikmannanna og þar var brunavörnum verulega ábótavant. Það leiddi til þessa mikla harmleiks.



Margt var hægt að gera til þess að koma í veg fyrir brunann en lítið sem ekkert virðist hafa verið gert.



Ekki er enn búið að finna upptök brunans en talið er líklegt að það hafi orðið skammhlaup í loftkælingu. Málið verður áfram í rannsókn og málaferli hefjast líklega næsta haust.

Tengd skjöl


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.