Körfubolti

Martin og félagar með bakið upp við vegg

Anton Ingi Leifsson skrifar
Martin í leik með Alba.
Martin í leik með Alba. vísir/getty

Martin Hermannsson og félagar í Alba Berlín eru komnir með bakið upp við vegg í úrslitaeinvíginu gegn Bayern München í þýska körfuboltanum.

Alba tapaði öðrum leik liðanna á heimavelli í kvöld, 82-77, en þeir töpuðu einnig fyrsta leiknum og eru því lentir 2-0 undir. Vinna þarf þrjá leiki til þess að verða þýskur meistari.

Berlín var mikið betri aðilinn í fyrsta leikhlutanum og var tíu stigum yfir eftir fyrsta leikhlutann en munurinn var svo bara eitt stig í hálfleik, 46-45.

Jafnræði var áfram með liðunum í þriðja leikhlutanum en Bayern tók hins vegar forystuna. Þeir leiddu út leikinn og þrátt fyrir áhlaup Albab stóðu Bayern það af sér og unnu að lokum, 82-77.

Martin var rólegur í kvöld og var með fjögur stig á þeim 22 mínútum sem hann spilaði. Hann tók tvö fráköst og gaf þrjár stoðsendingar.

Þriðji leikur liðanna fer fram á sunnudaginn og þar getur Bayern orðið þýskur meistari.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.