Körfubolti

Benedikt fer með tvo nýliða á Smáþjóðaleikana í Svartfjallalandi

Óskar Ófeigur Jónsson skrifar
Þóranna Kika Hodge-Carr er nýliði í landsliðinu.
Þóranna Kika Hodge-Carr er nýliði í landsliðinu. Vísir/Bára
Benedikt Rúnar Guðmundsson þjálfari og Halldór Karl Þórsson aðstoðarþjálfari hans, hafa valið þá tólf leikmenn sem leika fyrir Íslands hönd í landsliði kvenna á Smáþjóðaleikunum 2019 sem fara fram í Svartfjallalandi 27. maí  til 1. júní.



Benedikt og Halldór verða þjálfarar liðsins á leikunum en það er fyrsta verkefni þeirra með liðið. Pálína Gunnlaugsdóttir er einnig í þjálfarateymi liðsins en hún verður ekki með liðinu á Smáþjóðaleikunum.



Íslenska landsliðið mun leik fimm leiki á mótinu sem verða á móti Möltu, Svartfjallalandi, Lúxemborg, Mónakó og Kýpur.



Í liðinu eru tveir nýliðar að þessu sinni, þær Sigrún Björg Ólafsdóttir frá Haukum og Þóranna Kika Hodge-Carr frá Keflavík. Báðar hafa þær hjálpað sínum félögum að verða Íslandsmeistarar þrátt fyrir ungan aldur, Sigrún Björg með Haukum 2018 og Þórann með Keflavík 2017.  Þóranna Kika Hodge-Carr er fædd árið 1999 en Sigrún Björg Ólafsdóttir árið 2001.



Bryndís Guðmundsdóttir að koma til baka inn í liðið en hún lék síðast landsleik árið 2016.



Í síðustu viku voru 16 leikmenn eftir í æfingahóp og nú hefur lokavalið farið fram og munu eftirtaldir leikmenn skipa landsliðið á leikunum:



Landsliðshópur Íslands á Smáþjóðaleikunnum 2019:

Berglind Gunnarsdóttir · Snæfell (21 landsleikur)

Bryndís Guðmundsdóttir · Keflavík (39 landsleikir)

Embla Kristínardóttir · Keflavík (16 landsleikir)

Gunnhildur Gunnarsdóttir · Snæfell (29 landsleikir)

Hallveig Jónsdóttir · Valur (14 landsleikir)

Helena Sverrisdóttir · Valur (70 landsleikir)

Hildur Björg Kjartansdóttir · Celta Vigo, Spánn (25 landsleikir)

Sara Rún Hinriksdóttir · Keflavík (12 landsleikir)

Sigrún Björg Ólafsdóttir · Haukar (Nýliði)

Thelma Dís Ágústsdóttir · Ball State, USA/Keflavík (11 landsleikir)

Þóra Kristín Jónsdóttir · Haukar (10 landsleikir)

Þóranna Kika Hodge-Carr · Keflavík (Nýliði)



Þjálfari: Benedikt Rúnar Guðmundsson

Aðstoðarþjálfari: Halldór Karl Þórsson

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.