Fótbolti

Aron Einar mætti í bol af Gunnari Nelson í læknisskoðunina

Henry Birgir Gunnarsson skrifar
Aron Einar væri vígalegur MMA-kappi.
Aron Einar væri vígalegur MMA-kappi. mynd/al-arabi

Aron Einar Gunnarsson er klár í bátana hjá katarska liðinu Al-Arabi en hann fór í læknisskoðun hjá félaginu í gær.

Að sjálfsögðu mætti Aron Einar í bol merktum Gunnari Nelson en þetta er bolurinn sem Gunnar hefur notað í inngöngu fyrir síðustu tvo bardaga sína.



Ekki er annað að sjá að Aron Einar hafi flogið í gegnum læknisskoðunina og því ekkert því til fyrirstöðu að hann fari að hefja næsta kaflann á sínum ferli.

Aron Einar er að koma til félagsins frá Cardiff City þar sem hann hafði verið frá árinu 2011. Hann lék með Coventry City í þrjú ár þar á undan.

Hjá Al-Arabi hittir landsliðsfyrirliðinn fyrir sinn gamla landsliðsþjálfara, Heimi Hallgrímsson.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.