Bíó og sjónvarp

Krúnuleikastjarna í streitumeðferð

Kjartan Kjartansson skrifar
Harrington lék í Krúnuleikunum allt frá fyrsta þættinum til þess síðasta.
Harrington lék í Krúnuleikunum allt frá fyrsta þættinum til þess síðasta. Vísir/EPA

Persónuleg vandamál eru sögð ástæða þess að enski leikarinn Kit Harrington innritaði sig á heilsuhæli fyrir sex vikum. Harrington, sem er þekktastur fyrir leik sinn í sjónvarpsþáttaröðinni Krúnuleikunum, er sagður fá meðferð þar vegna streitu.

Í viðtali í tengslum við síðasta þátt Krúnuleikanna á dögunum sagðist Harrington, sem leikur Jon Snow, hafa fengið yfir sig tilfinningaflóð þegar tökum lauk.

„Ég brotnaði bara niður. Þetta var áhlaup léttis og sorgar yfir því að geta ekki gert þetta aftur,“ sagði Harrington um tilfinninguna þegar hann hafði leikið í sínu síðasta atriði í áttundu og síðustu þáttaröðinni.

Harrington, sem er 32 ára gamall, sást fella tár þegar hann frétti af örlögum persónu sinnar í heimildarmynd um lokaþáttaröðina sem sýnd var á sunnudag, að sögn breska ríkisútvarpsins BBC.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.