Lífið

Vorspá Siggu Kling – Steingeitin: Verður mikil spenna í ástinni

Sigga Kling skrifar

Elsku Steingeitin mín, þú ert eins og íslenski fáninn, dregur fram tilfinningar hvort sem þú ert þaninn í fulla eða hálfa stöng. Þú ert áberandi þó þér finnist það ekki, ert fyrirmynd og annarra manna kraftur þó það sé ekki alltaf þín tilfinning. Þú átt eftir að hagnast svo mikið á orðum þínum, sérstaklega í næsta mánuði því þú verður svo orðheppinn að það verður unun á að hlusta á og sjá.

Þú getur talað þig frá þeim erfiðleikum sem þér finnst þú vera í núna og og þú getur líka talað til þín ótrúleg tækifæri, þú hefur eins konar skyggnigáfu og býrð yfir ríkum hæfileikum til þess að hjálpa þeim sem eiga bágt. Þegar þú ferð eftir fyrsta boði hugans og þá meina ég strax, þá gengur allt upp, svo að hika er það sama og að tapa og þú þarft að þora til að skora. Ég er búin að nota þessar tilvitnanir ansi oft en þær eiga svo sannarlega erindi til þín.

Þú skalt taka þessa orku sem er yfir þér núna elskan mín eins og hver dagur væri þinn síðasti, steinhættu að njörva þig niður eins og þú værir fánastöng. Farðu útúr þægindarammanum þínum þótt þú sért Steingeit, því þá fyrst nærðu að slaka á og alheimsorkan sem er svo sérstaklega þér í hag þennann mánuðinn mun gera lífssöguna þína enn meira spennandi en þú hafðir ímyndað þér.

Það verður mikil spenna í ástinni, leyfðu þér það og enn meiri uppgangur og samruni í fjölskyldum, það er ekkert betra en  það, deilur munu leysast og í því mun felast mikið frelsi.

Þú átt eftir að finna nýjar leiðir til að fá meira frí, hærri laun og geta notið þín og samið um það sem þú þarft að semja um, en gerðu það strax, því lífið er núna!

Kossar og knús, Sigga Kling.

Svava, Dorrit, Michelle, Edda, Aron og Davíð. Vísir/Getty/FBL

Steingeit 22. desember - 19. janúar

Svava Johansen í Sautján, 7. janúar
Ingibjörg Sólrún Gísladóttir, 31. desember
Davíð Oddsson, ritstjóri Morgunblaðsins 17. janúar
Jón Gnarr, listamaður, 2. janúar
Tómas Guðbjartsson læknahetja, 11. janúar
Dorrit Moussaieff forsetafrú, 12. janúar
Stefán Jakobsson, tónlistarmaður, 14. janúar
Þuríður Blær Jóhannsdóttir, leikkona og Reykjavíkurdóttir, 16. janúar
Jóhann K. Jóhannsson fréttamaður. 9. janúar
Guðrún Ýr Eyfjörð, tónlistarkonan GDRN, 8. janúar
Edda Andrésdóttir, fréttaþulur, 28. desember
Michelle Obama, forsetafrú, 17. janúar
Aron Már Ólafsson, Aron Mola, 12. janúar



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.