Lífið

Vorspá Siggu Kling – Nautið: Ekki séns að gefast upp í þessu ferðalagi

Sigga Kling skrifar

Elsku Nautið mitt, þú hefur þann fallega hæfileika að geta glaðst af litlu, þú þakkar líka alltaf svo vel fyrir þegar vel gengur. Eins og kúlurnar í lottóvélinni þegar búið er að snúa þá sérðu að þú ert með lottóvinninginn, en í þessari stöðu þarftu að vera með það á hreinu hvar miðinn þinn er!

Útkoman úr þessari dæmisögu er að þú færð svo magnaða hluti upp í hendurnar en veist ekki alveg hvað þú ætlar að gera, svo fáðu fólk til að hjálpa þér því það er lykillinn að stóra vinningnum.

Sigmund Freud sagði að undirmeðvitundin man og veit allt og hún mun hjálpa þér að taka stærri skref en þú þorðir að taka. Það er ekki séns að gefast upp í þessu ferðalagi sem maí færir þér, ef þú færð þá tilfinningu að missa aflið þá hjálpar alheimurinn og hið guðlega vald sem þú trúir á  þér.

Þú átt eftir að rekast á það að þér kvíði fyrir einhverju, en það er bara tilfinning og þú skalt þá strjúka höndinni yfir sólarplexus og ímynda þér þú rífir þessa tilfinningu út, fleygir henni og setjir í staðinn „Ég er dugleg, hugrökk og ég get þetta“.

Ástin verður í öllum myndum, bæði sem hindrun og happ, en þú verður alveg að gera þér grein fyrir því hversu mikið þú vilt leggja í sölurnar fyrir ástina því þú ert á svo háu tilfinningasviði sem þýðir að þú hefur betri stjórn á töfrunum.

Ég, litla Nautið var á námskeiði hjá Tony Robbins sem er mikill gúrú og hann kenndi okkur að segja mér ER kalt, svo gengum við á glóandi kolum og ég hef líka gengið yfir jökulsár og notaði sömu tækni nema ég sagði mér ER heitt.  Eitt sinn var Guð spurður hvað hann héti og hann sagði „ég heiti, ÉG ER“ og þar sem þú ert guðlegt afl þá skaltu segja ég ER hraust, ég ER heppinn og átt eftir að segja allt sem þér finnst óhindrað og með stæl.

Þetta tímabil táknar sáningu svo þú þarft að byrja á því að skoða hvað þú ætlar að gera í haust og leggja á ráðin því þá færðu mikla uppskeru. Það er fullt tungl í Sporðdrekanum þann 18 maí sem gefur þér tilfinningahita og ástríður sem þú þarft að beina í rétta átt.

Knús og kossar, Sigga Kling.

Naut 20. apríl - 20. maí

Aron Einar Gunnarsson fyrirliði íslenska knattspyrnulandsliðsins, 22. apríl
Hannes Þór Halldórsson markvörður, 27. apríl
Guðrún Veiga Guðmundsdóttir, rithöfundur og latikokkur, 21. apríl
Ólafur Ragnar Grímsson, fyrrum forseti, 14. maí
Halldór Laxness, rithöfundur og skáld, 23. apríl
Rúnar Freyr Gíslason leikari, 29. apríl
Garðar Thor Cortes söngvari, 2. maí
Helga Möller söngkona, 12. maí
Katrín Tanja Davíðsdóttir crossfit-meistari, 10. maí
Pétur Jóhann Sigfússon, 21. apríl
Davíð Rúnar Bjarnason, boxari, 5. maí
Eliza Reid, forsetafrú, 5. maí
Dóri DNA, grínisti, 16. maí
Eva Laufey Kjaran, sælkeri, 16. maí
David Attenborough, náttúruvísinda- og sjónvarpsmaður, 8. maí



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.