Fótbolti

Hildigunnur Ýr með þrennu í fyrsta leiknum fyrir 16 ára landsliðið

Óskar Ófeigur Jónsson skrifar
Íslenska sextán ára landsliðið. Hildigunnur Ýr Benediktsdóttir er númer 11 á myndinni.
Íslenska sextán ára landsliðið. Hildigunnur Ýr Benediktsdóttir er númer 11 á myndinni. Mynd/KSÍ
Stjörnukonan Hildigunnur Ýr Benediktsdóttir skoraði þrennu fyrir sextán ára landslið kvenna í fótbolta sem vann 6-0 sigur á Búlgaríu í dag í fyrsta leik liðsins á UEFA Development Tournament, en leikið er í Króatíu.

Þetta var fyrsti leikur Hildigunnar fyrir sextán ára landsliðið hún skoraði einnig í sínum fyrsta landsleik fyrir sautján ára landsliðið fyrr á þessu ári.

Hildur Lilja Ágústsdóttir skoraði tvö mörk í leiknum og Aníta Ýr Þorvaldsdóttir eitt. Hildur Lilja er í Augnablik en Aníta Ýr í Stjörnunni.

Hildigunnur Ýr skoraði tvö fyrstu mörkin á 28. og 46. mínútu og Aníta Ýr kom íslenska liðinu síðan í 3-0 á 49. mínútu.

Hildur Lilja skoraði tvívegis, á 67. og 75. mínútu áður en Hildigunnur innsiglaði þrennuna og sigurinn með marki á 78. mínútu.

Íslensku stelpurnar mæta Makedóníu á fimmtudaginn og svo heimastúlkum í Króatíu á laugardaginn.

Byrjunarlið Íslands í leiknum:

Aldís Guðlaugsdóttir (Markvörður)

Jakobína Hjörvarsdóttir

Erla Sól Vigfúsdóttir

Andrea Marý Sigurjónsdóttir (Fyrirliði)

Hrefna Steinunn Aradóttir

Bergþóra Sól Ásmundsdóttir

Sara Montoro

Andrea Rut Bjarnadóttir

Hildigunnur Ýr Benediktsdóttir

Aníta Ýr Þorvaldsdóttir

Emma Steinsen Jónsdóttir




Fleiri fréttir

Sjá meira


×