Rúrik lagði upp sigurmark í mikilvægum sigri

Rúrik Gíslason var í byrjunarliði Sandhausen þegar liðið fékk Kiel í heimsókn í þýsku B-deildinni í fótbolta í dag en Sandhausen er að berjast fyrir veru sinni í deildinni.

Fyrri hálfleikur var fjörugur þar sem fjögur mörk litu dagsins ljós. Staðan í leikhléi 2-2.

Strax í upphafi síðari hálfleiks lagði Rúrik svo upp mark sem Aleksandr Zhirov skoraði. Það reyndist sigurmark leiksins og mikilvægur sigur Sandhausen staðreynd en liðið er nú fjórum stigum fyrir ofan fallsæti þegar þrjár umferðir eru eftir.

Rúrik var skipt af velli á 72.mínútu.